اسلام آباد۔ 31 دسمبر (اے پی پی) ریلوے نظام اٹی گچینی کن وزارت ریلوے چندی گام گیج آتیا عملدرآمد نا بناءِ کرینے۔ وزارت ریلوے ذرائع نا رداٹ وزیر ریلوے نا پارت آ چندی نسخان تا مون ءِ توننگ کن فریٹ ٹرین تے ٹی ودکی کننگ انگ ءِ و دہ آن زیات ٹرین تینا ساڑی آ وسیلہ غاتے ٹی سلسا بناکننگ انگ ءِ۔ ریلوے کالونی تے ٹی انرجی میٹرنگ نا نظام ءِ خلنگ انگ ءِ۔ فیول نا گچین کاریم اٹ اتنگ کن ٹریکنگ سسٹم ءِ لاگو کننگک۔ وزارت ریلوے ذرائع نارداٹ ریلوے نا کٹیا ٹی ودکی کن برینڈنگ و مارکیٹنگ آ ہم کاریم کننگ انگ ءِ۔ ڈرائی پورٹس نا نظام ءِ اپ گریڈ کننگ انگ ءِ۔ ساڑی حکومت نا گچین پالیسی تا سوب آن ریلوے مسافر آتے ٹی مسہ لکھ انا ودکی مسنے۔
