اسلام آباد۔ 31 دسمبر (اے پی پی) یوٹیلٹی اسٹورز کارپوریشن نا مچ آ ملک اٹی جوڑ کروک اسٹورآتیا سپلائی نا بحالی آن ماہانہ سیل اٹی 10 آن 12 کروڑ روپئی نا ودکی گمانی ءِ۔ کارپوریشن نا کمامدارآک اے پی پی ءِ پاریرکہ انتظامیہ تون سرسہب مذاکرات آن پد زیات تر کمپنیک ملک انا غٹ ریجن آتے ٹی جوڑ کروک اسٹور آتیا سپلائی ءِ بحال کرینو ہراڑان اسٹور آتا سیل اٹی اسہ تُو اٹی 10 آن 12 کروڑ روپئی نا ودکی گمانی ءِ۔ اوفک پاریر کہ سرسہب مذاکرات آن پد یونی لیورز ، پی اینڈ ڈی و کولگیٹ تون اوار پاکستان اٹی کاریم کروک آ زیات تر کمپنیک یوٹیلٹی اسٹور آتے سپلائی بحال کرینو وخت اس کہ چندی فلوراینڈ رائس ملز انا سپلائی ہم پورو وڑاٹ بحال مسنے۔ اوفک پاریر کہ یوٹیلیٹی اسٹورز کارپوریشن صارف آتا پت ءِ دوئی کننگ کن مدام آب ءِ اولیت تس و او کم کٹیا تون آب اٹو کنوئی ءُ گڑا تننگ ءِ۔ کنوئی آ گڑاتا آب ءِ چیک کننگ نا بابت جوڑ کروک آ خصوصی کمیٹی تینا کاریم ءِ جوانی اٹ پورو کننگ ءِ۔
