کوئٹہ۔ 31 دسمبر (اے پی پی) بلوچستان اسمبلی نا نشست پی بی 26کوئٹہ تھری نا خورک نشست نا ضمنی گچین کاری اینو مننگ ءِ، نشست ایچ ڈی پی نا احمد علی کہزاد ءِ درملکی گوندنگ آن پد خورک مسوسس، سرجم احوال آتارداٹ پولنگ سہب انا 8 بجہ غان بیگہ نا 5بجہ اسکان بیدس وقفہ غان برجاسلک۔ حلقہ ٹی ضمنی گچین کاری کن 49 پولنگ اسٹیشن و 172 پولنگ بوتھ جوڑ کننگانے، پی بی 26کوئٹہ تھری انا غٹ پولنگ اسٹیشن آتے بے کچ حساس گوندنگانے، جم وڑاٹ حلقہ ٹی 56ہزار 675رجسٹرڈ ووٹرآک تینا حق ءِ کاریم اٹ اتیرہ، نرینہ ووٹرآتا کچ 35ہزار 338 ءِ وخت اس کہ زالبول ووٹرآتا کچ 22ہزار 337ءِ، صوبائی اسمبلی نا داحلقہ غان 18 اومیتدار میدان اٹی ءُ، ضمنی گچین کاری ٹی ہزارہ ڈیموکریٹک پارٹی نا اومیتدار قادر نائل، مجلس وحدت مسلمین نا اومیتدار سید آغارضا، متحدہ مجلس عمل نا اومیتدار ولی محمد ترابی نا نیام اٹ سخت مقابلہ نا گمان ءِ۔
