اسلام آباد۔ 31 دسمبر (اے پی پی) محکمہ موسمیات نا رداٹ بروک آ 24گھنٹہ ٹی اسلام آباد، راولپنڈی، سرگودھا، گوجرانوالہ، لاہور، ہزارہ ڈویژن، کوہاٹ، مالاکنڈ، کوئٹہ، ژوب ، گلگت بلتستان و کشمیر اٹی جاگہ جاگہ غا پڑی پڑی پِر و مش تیا برف وخت اس کہ پنجاب نا گڑاس میدانی علاقہ، بڑزکو سندھ و پشاور ڈویژن اٹی سہب انا وخت آ گوتلو تمنگ نا گمان ءِ۔ ملک انا بڑزکو علاقہ غاتے ٹی موسم بھاز یخ و پِرکتنے۔ گدرینگوک آ 24گھنٹہ ٹی ملک انا گیشتر علاقہ غاتے ٹی موسم یخ و پِرکتنے۔ غٹ آن کم درجہ حرارت سکردو ٹی منفی 14، گوپس اٹی منفی 10، استور اٹی منفی 9 و راولاکوٹ اٹی منفی 3 ڈگری سینٹی گریڈ ریکارڈ کننگا۔
