دوحہ۔ 30دسمبر (اے پی پی) وزیردرئی کار شاہ محمودقریشی ءَ گوشت کہ گتر پاکستان ءِ لائک بیسہ ئی دوستیں ملک اِت ءُُ اوگانستان یکوئی ءِ ھوالگ ءَ گتر مدام پاکستان ءِ لیکہ ءِ منوک بوتگ وھدیکہ گتر ءِ ٹوھیں سروک آں پاکستان ءِ گوما دو نیمگی تجارت ، وانگ ءُُ زانگ ءُُ سپری آسراتی ءَ ھوار جتا جتائیں شوبگ آنی تہ ءَ کمک ءِ واھشت ءِ درشان کنان ءَ گوشت کہ گتر ءِ الس پاکستان ءِ الس آناں سک باز ارزشت دنت ءُُ دوئیں ملک یک ءِ دومیگ ءِ گوما دل یکیم اَنت۔ آئی ءَ اے ھیالانی درشانی یک شمبے ءَ گتر ءِ دارالحکومت دوحہ ءَ گتر ءِ مزن وزیر شیخ عبداللہ بن نصور بن خلیفہ الثانی، قطر ءِ نائب امیر شیخ عبداللہ بن حماد الثانی ءُُ نائب مزن وزیر، وزیر درئی کار شیخ محمد بن عبد الرحمن الثانی ءَ گوں گند ءُُ نند ءَ تران کنان ءَ کت ۔ قطر ءِ مزن وزیر شیخ عبداللہ بن نصر بن خلیفہ الثانی ءَ گوں گند ءُُ نند ءِ ساھت ءَ دو نیمگی یکوئی ءَ ھوار ارزشتی ایں دمگی ءُُ میاں اوستمانی کار آنی سر ءَ ھیال ریچی کنگ بوت۔
