دوحہ/ اسلام آباد۔ 30دسمبر (اے پی پی) پاکستان ءُُ گتر ءِ سروکی ءَ دو نیمگی یکوئی آنی تہءَ گیشی ءُُ بُرزی ءِ سر ءَ دل یکیمی ءِ درشان کنان ءَ گوشت کہ یکجائیں پینگ آنی گر ءُُ دار ءِ واستہ پکوئیں کمک ءُُ یکوئی ءِ ارزشت ءُُ دراج بُریں دمیگی دیمروئی ءِ ضلورت ءِ سر ءَ زور پر دات۔ اے تپاک نامہ وزیر ء، درئی کار شاہ محمود قریشی ءَ یک روچی گتر ءِ تر ءُُ تاب ءِ ساھت ءَ دوحہ ءَ ٹوھیں سروک آں گوں گند ءُُ نند ءِ وھد ءَ منوگر کنگ بوت۔ وزارت ءِ درئی کار ءِ نیمگ ءَ یک شمبے ءِ روچ ءَ جاڑی بوتگیں بیان ءِ رد ءَ وزیر ء، درئی کار شاہ محمود قریشی ءَ دوھۃ ءَ گتر ءِ مزن وزیر شیخ عبداللہ بن نصر بن خلیفہ الثانی، گتر ءِ نائب امیر شیخ عبداللہ بن حماد الثانی ءُُ نائب مزن وزیرءُُ درئی کارنی وزیر شیخ محمد بن عبد الرحمن الثانی ءَ گوں گند ءُُ نند کت۔ پریک آں دونیمگی یکوئی آنی گیشی ءُُ بُرزی ءِ سر ءَ دل یکیمی ءِ درشان کت ایش دوئیں ملکا نی ٹوھیں کارندہ آنی استیں دو نیمگی تر ءُُ تاب آں چہ تچک ءُُ سہرا اَنت۔گتر ءِ وزیر ءِ درئی کار ءَ اکتوبر ءَ پاکستان ءِ تر ءُُ تاب کت ایشی ءَ چہ پد وزیر ءِ مملکت برائے توکی کار شہریار آفریدی اکتوبر، وزیر ءِ ھزانگ اسد عمر ءَ 14 ءُُ 15 دسمبر ءُُ چیف آف آرمی سٹاف ءَ 17 ءُُ 18 دسمبر ءَ گتر ءِ تر ءُُ تاب کت ءُُ گتر ءِ راجی روچ ءِ موہ ءَ نیشنل ڈے پریڈ ءَ بھر زوری کت۔ وھدیکہ وزیر ءِ درئی کار شاہ محمود قریشی ءَ یک شمبے ءِ روچ ءَ گتر ءِ تر ءُُ تاب کت۔ تر ءُُ تاب ءِ ساھت ءَ وزیر ءِ درئی کار شاہ محمود قریشی ءَ گتر ءَ ھوار ارزشتی ایں دمگی ءُُ ھمساھگیں ملک آںی گوما یکوئی آناں گیش ودینگ ءِ واستہ مزن وزیر عمران خان ءِ ویژن ءِ سر ءَ چمشانک دات۔ شریک آں اے گپ ءِ سر ءَ تپاک کت کہ پراھ ءُُ شاھیگانیں دیمروئی ءِ واستہ یکجائی پینگ ءُُ مشکل آنی گر ءَُ دار ءِ واستہ پکوئیں کار المی اِنت۔ ٹوھیں تک ءِ گوما رابطہ آنی دیمروئی ءِ جوزگ ءِ چیر دستی ءَ مزن وزیر عمران خان وت مہ وتی شور ءُُ سلہ ءَ چہ منوگر بوتگیں رمس ءِ سر ءَ جنوری 2019ءَ گتر ءِ تر ءُُ تاب ءَ کنت اِنت۔ وزیر ء، درئی کار شاہ محمود قریشی ءَ گتر ءِ سروکی ءَ را اوگانستان ءَ ایمنی ءِ برجائی ءِ بابت ءَ استیں دیمروئی آنی بابت ءَ سرپد کت۔
