کراچی۔ 29 دسمبر (اے پی پی) صدر مملکت ڈاکٹر عارف علوی ءَ گوشت کہ گیشتریں نادُراھی ءُُ جان سلامتی ءِ جیڈھ آں چہ جوانیں زندمان ءِ گوازینگ ءِ وسیلگ ءَ رکھینگ بیت کنت۔ اے گپ آئی ءَ شمبے ءِ روچ ءَ کراچی میڈیکلا اینڈ ڈینٹل کالج ( کے ایم ڈی سی) ءِ ششمی کانووکیشن ءَ ھاسیں مہمان ءِ بستار ءَ گشتانک دیان ات۔ آئیءَ نودربر آناں گوشت کہ آ مردم آنی نادُراھی ءِ رکھینگ ءِ واستہ سرپدی شنگ ءُُ تالان بکن اَنت ءُُ اے رنگیں چیز آں چہ وت ءَ بہ پھریز اَنت کہ آ نادُراھی ءِ سبب بنت۔ صدر ءِ مملکت ءَ ’’ فارغ التحصیل ‘‘ ڈاکٹر آناں گوشت کہ آ وتی کزبی زمہ واری آنی پیلو کنگ ءِ ساھت ءِ بنی آدمی آں گوں یکوئی ءِ بھر ءَ ضلور دیم ءَ بکن اَنت ءُُ نادُراھ آنی دلبڈی ءَ بکن اَنت۔ ایشی ءَ چہ آوانی دلبڈی بیت۔ اے کزب ءَ گوں سیادی داروکیں مردم آناں وتی زانت ءُُ زانش ءِ تہءَ گیشی ءِ واستہ کوشست کنگ لوٹ ایت تانکہ اے شوبگ ءَ بوھوکیں نوکیں زمانگ ءِ ریسرچ آں چہ سیت زوگ بہ بیت۔ کے ایم ڈی سی ءِ بالاد ءِ بابت ءَ توسیپ کنان ءَ صدر ءِ مملکت ءَ گوشت کہ ایشرا یو نیورسٹی ءِ درجگ دیگ لوٹ ایت ءُُ اے بابت ءَ میئر کراچی وسیم اختر ءَ گوں گپ ءُُ تران کناں۔ اے موہ ءِ سر ءَ گشتانک دیان ءَ میئر کراچی وسیم اختر ءَ کے پی ایم ڈی سی ءِ زانشت ءِ کد ءُُ بالاد ءِ توسیپ کنان ءَ گوشت کہ آ گوستگیں زمانگ ءِ رنگ ءَ آیوکیں وھد ءَ وتی کمک ءَ جاڑی دار ایت۔ پرنسپل کے ایم ڈی سی ڈاکٹر سید محمود حیدر ءَ ھاسیں مہمان آناں کالج ءِ چست ءُُ ایر ءُُ ایشی ءِ آیوکیں باندات ءِ دیمروئی منصوبگ آنی بابت ءَ بریفنگ دات۔ ایشی ءَ چہ پد ھاسیں مہمان آں جوانیں کرد ءِ پیش داروکیں فارغ التحصیل نودربر آناں سرٹیفیکیٹ دات۔ کانووکیشن ءَ میٹو پولیٹن کمشنز ڈاکٹر سیف الرحمان ، وائس چانسلر جامعہ کراچی ڈاکٹر اجمل خان ءَ ھوار ایندگر بازیں مردم آں ھم بھر زوری کت۔
