راولپنڈی۔ 29دسمبر (اے پی پی) چیف آف آرمی سٹاف جنرل قمر جاوید باجوہ ءَ گوں بلوچستان ءِ سر وزیر جام کمال خان ءَ گند ءُُ نند کت، گند ءُُ نند ءِ ساھت ءَ صوبگ ءَ سیکورٹی ءِ جاور ھال آنی سر ءَ باست ءُُ واست کنگ بوت اَنت۔ شمبے ءِ روچ ءَ پاک اُرد ءِ شوبگ (آئی ایس پی آر) ءِ نیمگ ءَ جاڑی بوتگیں بیان ءِ رد ءَ سر وزیر بلوچستان ءَ وشھال پروگرام ءِ چیر دستی ءَ چاگردی، اقتصادی ءُُ دیمروئی منصوبگ آنی سر ءَ کار ءِ واستہ سیکورٹی ءِ جوانی ءِ رد ءَ پاک آرمی ءِ کوشست آناں ساڑات۔ پاک اُرد ءِ سروک ءَ اے موہ ءِ سر ءَ گوشت کہ پاک اُرد بلوچستان ءِ سیکورٹی ءِ جاور ھال آناں مھکم دارگ ءِ سر ءَ دلگوش کنگ ءَ اِنت۔ آئی ءَ گوشت کہ پاکستان ءِ دیمروئی بلوچستان ءَ ایمنی، برجائی ءُُ دیمروئی ءَ گوں بندوک اِنت۔ آئی ءَ گوشت کہ پاک اوگان سیم سر آنی سر ءَ ٹٹ آنی جنگ ءِ پد ءَ پاک ایران سیم سر ءِ سر ءَ سیکورٹی ءِ کمک ءَ چہ صوبگ ءَ سیکورٹی ءِ جاور ھال گیش گہتر بوتگ اَنت۔
