اسلام آباد۔28دسمبر(اے پی پی ) دری کارانی ہوالگءَ شورءُ صلائی کونسل جوڑ کنگ بوتگ، مزن وزیر ءَ شورءُ صلائی کونسل ءِ جوڑ کنگءِ منظوری داتگ ۔ایڈوائزی کونسل ءَ زانت کارءُ تجروبہ کار یں مردم ہوار اَنت ۔ دری کارانی وزیر شاہ محمود قریشی کونسل ءِ چیئرمین بیت وہدے کہ کونسل ءِ باسکانی تہ ءَ پیسرگیں سفیر سلمان بشیر، جلیل عباس جیلانی ، اشرف جہانگیر قاضی، محمد صادق ، ڈاکٹر رفعت حسین ، اکٹر ہماباقی،ڈاکٹر حسن عسکری رضوی،ڈاکٹر عادل نجم،ڈاکٹر رابیعہ اخترءُ قاسم نیاز ءُ ایشاں ابید کانودءُ انصافءِ وزیر ، حزانگءِ وزیر، تجارت ءِ صلہ کار، ٹیکسٹائل ءُ صنعت ءُ پیداوار ، منصوبہ بندی ءِ وزیر ، دیمروئی ءُ اصلاحات، دری کارانی سیکرٹری ، ڈائریکٹر جنرل انسٹی ٹیوٹ آف سٹریٹجک سٹڈیز اسلام آباد،ڈائریکٹر جنرل فارن سروس اکیڈمیءُ ایڈیشنل سیکرٹری فارن منسٹرکارگس ہوار اَنت۔
