اسلام آباد۔ 28 دسمبر (اے پی پی) وزیراعظم عمران خان نیزگاری نا چٹفنگ، بے روزگار بندغ آتے کسب کار جوڑ کننگ و نیزگاری نالکیر آن شیف خاہوت آتا کنوئی آ گرج آتے پورو کننگ کن بے نظیر انکم سپورٹ پروگرام ءِ زوت گڈیکو دروشم اس تننگ نا پارت کرسا پارے کہ نیزگاری نا چٹفنگ و نزور تپہ غاتا شرحالی حکومت نا اولیت ءِ، اوداہیت ءِ چیئرپرسن بے نظیر انکم سپورٹ پروگرام ڈاکٹر ثانیہ نشتر تون ہیت وگپ کرسا پارے ہرا جمعہ نادے آ وزیراعظم تون اوڑدہی کرے۔ ڈاکٹر ثانیہ بے نظیر انکم سپورٹ پروگرام نا بابت چندی معاملہ غاتیا وزیراعظم ءِ احوال تس۔
