اسلام آباد۔ 28 دسمبر (اے پی پی) محکمہ موسمیات بروک آ منہ دے اٹی پنجاب نامیدانی علاقہ، بڑزکو سندھ و پشاور ڈویژن اٹی سہب و شام انا وخت آتے ٹی گڑاس ہند آتیا بھاز و ہلکا گوتلو نا پیش گوئی کرینے وخت اس کہ ملک انا گیشتر علاقہ غاتے ٹی موسم یخ و پِرکپک و قطبی علاقہ غاتے ٹی ہم یخ انا شدت برقرار سلک۔ ہند اوڑ بڑزکو علاقہ غاتے ٹی سہب انا وخت آتے ٹی گوتلو تمنگ نا ہم گمان ارے۔ رپورٹ نا رداٹ گدرینگوک آ 24گھنٹہ ٹی پنجاب نا گڑاس میدانی علاقہ ، بڑزکو سندھ و پشاور ڈویژن اٹی سہب انا وخت آتے ٹی بھاز گوتلو تما و ملک انا قطبی علاقہ غاتے ٹی موسم بھاز یخ وخت اس کہ ایلو علاقہ غاتے ٹی یخ و پِرکتو۔ داڑے گوتلو نا سوب آن جمعہ نا سہب قومی شاہراہ و موٹرویز آ ٹریفک بھاز زہمی مسنے و موٹروے ءِ کیہی جاگہ غاتیا ٹریفک ءِ بند کننگانے۔ نیشنل ہائی ویز و موٹرویز پولیس نا کمامدارآک شاری تیا سفر اٹی خیال کننگ و احتیاطی تدابیر آ عمل کننگ تون اوار اوار بے سوب سفر کپننگ نا خواست ءِ کرینو۔ اوپارے کہ فریشانی نا دروشم اٹ نیشنل ہائی ویز و موٹرویز پولیس نا ہیلپ لین 130 تون رابطہ کننگ مریک۔
