اسلام آباد۔ 28 دسمبر (اے پی پی) مچ آ ملک آن رجسٹرڈ اوغان مہاجر آتا وطن آ پدی ہِننگ نا عمل یخ انا سوب آن 28 فروری اسکان پد بٹنگانے۔ اینخو نا سال 14ہزار رجسٹرڈ اوغان مہاجر وطن آ پدی ہنار یو این ایچ سی آر نا نمائندہ قیصر آفریدی اے پی پی تون جمعہ نادے آ ہیت وگپ کرسا پارے کہ مچ آ ملک آن رجسٹرڈ اوغان مہاجر آتا یخ انا موسم نا سوب پدی ہِننگ نا عمل ءِ یکم دسمبر آن 28 فروری 2019 اسکان پدسلک غٹ اینخو نا سال مچ آملک آن 14ہزار رجسٹرڈ اوغان مہاجر پشاور و کوئٹہ ٹی یو این ایچ سی آر نا دفتر آتا کمک اٹ وطن آ پدی ہنانو ، پدی ہنوک آ رجسٹرڈ اوغان مہاجر آتے 200 ڈالر فی بندغ پدی ہِننگ نا وخت آ یو این ایچ سی آر نا دفتر آن تننگانے اوپارے کہ وطن آ پدی ہنوک آ رجسٹرڈ اوغان مہاجر آتے 28 فروری آن پد یو این ایچ سی آر نا تعلقدار دفتر آتون رابطہ کرسا پدی ہِننگ نا تاریخ اس ہلیر۔
