اسلام آباد۔ 28 دسمبر (اے پی پی) وزارت سیمی و ریاستی امور نیشنل ڈیٹابیس رجسٹریشن اتھارٹی نا کمک اٹ مچ آ ملک اٹی 8 لکھ 80 ہزار غیر رجسٹرڈ اوغان مہاجر آتا رجسٹریشن کرینے۔ سرجم احوال آتا رداٹ وزارت سیفران سال 2017-18 ء ٹی مچ آ ملک اٹیی غیر رجسٹرڈ اوغان مہاجر آتا رجسٹریشن نا عمل اٹی 8 لکھ 80 ہزار غیر رجسٹرڈ اوغان مہاجر آتا رجسٹریشن ءِ کرسا اوفتے ای سی سی کارڈ جاری کرینے۔ رجسٹریشن کن مچ آ ملک اٹی نادرا 22ہند جاٹ جوڑ کریسس ہرافتے ٹی اوغانستان نا سفارت خانہ نا کمامدارآک پک کننگ آن پد رجسٹریشن نا عمل برجاسلیس۔ رجسٹریشن مارچ 2018 ء ٹی پورو کننگا ہراٹی 8 لکھ 80 ہزار اوغان مہاجر آتے رجسٹرڈ کننگانے۔
