اسلام آباد۔27دسمبر(اے پی پی ) بنجاہی کابینہ ءَ فرخ سبزواری ءَ را سکیورٹیز اینڈ ایکس چینج کمیشن آف پاکستان ءِ چیئرمین جوڑ کنگءِ منظوری داتگ ۔ حزانگءِ وزیر ءِ نیمگءَ چہ چیئرمین جوڑ بوہگءِ نوٹیفیکیشن جاری بوہگءَ پد فرخ سبزواری چیئرمین ءِ زمہ واری ءَ زوریت۔ بنجاہی کابینہ ءَ گوستگیں ماہ 15 نومبر ءَ فرخ سبزواری ءَ را ایس ای سی پی ءَ کمشنر جوڑ کتگ بوتگ۔ فرخ سبزواری ءَ انسٹی ٹیوٹ آف برنس ایڈمنسٹریشن ( آئی بی اے) ءَ چہ بزنس ایڈمنسٹریشن ءَ ماسٹر کتگ۔ ایس ای سی پی ءَ کمشنر جوڑ بوہگءَ پیسر سبزواری، پاکستان مالیاتی پڑءِ یک مزنیں فرم ، بی ایم اے کپیٹل منیجمنٹ کمپنی ءِ چیف ایگزیکٹو آفیسر بوتگ۔ ایشیءَ پیسر آ تاں ہپت سال سنگاپورءِ یک مزنیں کمپنی کریڈٹ سوئس سکیورٹیز ءَ 2010تاں 2017ءَ مزنیں عہدگے ءِ سرءَ بوتگ۔ آ کسب سکیورٹیز ءُ دگہ بازیں ادارگاں ہم چیف ایگزیکٹو آفیسر بوتگ۔
