اسلام آباد۔ 27 دسمبر (اے پی پی) چاگڑدی رکھ ٹربیونل راول ڈیم انا صاف دیر اٹی سیوریج شاغنگ نا برخلاف ایکشن ہلسا 124 بندغ آتا برخلاف مقدمہ درج کرینے۔ چاگڑدی رکھ ٹربیونل نا ذرائع نا رداٹ دامقدمہ غاک بری امام، بھارہ کہو ، بنی گالہ و مسلم کالونی نا ہمو ہنکینی تا برخلاف درج کرینے ہرا کہ راول ڈیم و اونا خڑکی ندی نالہ غاتا صاف دیر اٹی سیوریج شاغارہ۔ ذرائع پارے کہ دابابت سخت ایکشن ہلنگ انگ ءِ و ہنکینی تے خبر دار کننگاکہ او راول ڈیم اتون اوار صاف دیر انا جوتے ٹی خراب انگا دیر انا جوتے شاغنگ آن پاناد کیر ، ایلو دروشم اٹ اوفتا برخلاف کانودی کارروائی کننگک۔
