اسلام آباد۔ 27 دسمبر (اے پی پی) وزارت ڈٹ بندی، شونداری و اصلاحات سرکاری بشخ انا شونداری پروگرام تے ٹی نیشنل ہائی وے اتھارٹی نا شونداری کاریم تے کن جم وڑاٹ داوخت اسکان 81 ارب 25 کروڑ 80 لکھ روپئی آن زیات نا فنڈ جاری کرینے۔ حکومت اینخو مالی سال اٹی مواصلات نا بشخ انا شونداری کاریم تے کن اسہ کھرب 85 ارب 19 کروڑ روپئی آن زیات نا فنڈ جتاکرینے۔ پلاننگ کمیشن نا کنڈآن جاری کروک حساب وکتاب نا رداٹ حکومت سی پیک نا رداٹ چترال بونی مستوج روڈ اکن 40 لکھ، این 25کن 10 کروڑ، این 65 کن 10کروڑ، این 50 کن 60 کروڑ، ، دولین ہائی وے بسمیہ آن خضدار کن 20 کروڑ، چترال ایون بمبوریت کن 12 کروڑ، 2010ء نا جلاب آن زہمی ماڑی تا بحالی کن 21کروڑ 66لکھ، پشاور نادرن بائی پاس کن 70کروڑ، نیشنل ہائی وے ڈویلپمنٹ سیکٹر پروجیکٹ کن 20کروڑ، لواری ٹنل ءِ ملفوک آ روڈ اکن 60 کروڑ، 6لین ہائی وے لاہور ایسٹرن بائی پاس کن 20 کروڑ، سی پیک نا رداٹ اسلام آباد آن رائیکوٹ سیکشن کن 60کروڑ، لاہور سیالکوٹ موٹروے نا جوڑ کننگ کن 40 کروڑ، لاہور ملتان موٹروے نا جوڑ کننگ کن 16ارب 26کروڑ، جگلوٹ سکردو روڈ انا اپ گریڈیشن کن اسہ ارب 40 کروڑ روپئی آن زیات نا فنڈ جاری کرینے۔
