پشاور۔ 26دسمبر (اے پی پی) چیئرمین نیب جسٹس (ر) جاوید اقبال نیب خیبر پختونخوا نا دورہ ءِ کرے۔ ڈی جی نیب خیبر پختونخوا فرمان اللہ خان چیئرمین نیب ءِ خیبر پختونخوا ٹی زیر تحقیقات میگاکرپشن کیس آتا بابت پیش رفت آن معلومدار کرے۔ چیئرمین نیب جسٹس (ر) جاوید اقبال پارے کہ میگا کرپشن نا مقدمہ غاتے ایسری انجام اسکان سرکننگ نیب انا اولیت ءِ۔ نیب انا ساڑی آ سرکڑدہ میگا کرپشن نا مقدمہ غاتے الماری و فائل آتیان کشسا ٹھوس شاہدی و کانود نا رداٹ ایسری انجام اسکان سرکرسا دا سال 440 وڈی خوری نا ریفرنس معزز احتساب عدالت آتے ٹی دائر کرے ہراکہ زیر التواءُ۔ اوپارے کہ وڈی خوری نا برخلاف زیرو ٹالرنسنا پالیسی آ سختی اٹ عمل کننگ ءِ۔ نن فیس ءِ آخا بلکن کیس ءِ ہرینہ و اودے کانود نا رداٹ ایسری انجام اسکان سرکننگ آ باور کینہ۔ نیب کے پی ٹی میگا کرپشن نا مقدمہ شفاف، میرٹ، ٹوس شاہدی و کانود نا رداٹ ایسری انجام اسکان سرکننگک۔ اوپارے کہ نیب انا برخلاف اسہ سجفوک ءُ پروپیگنڈہ مہم اس جاری ءِ۔ ولے نیب تیناپرفارمنس و کارکڑد آن پروپیگنڈہ مہم نا مقابلہ ءِ کننگ آ یخین تخک۔ اوپارے کہ ملک انا بقاء وڈی خوری نا چٹفنگ اٹی ءِ۔ وڈی خور عنصر آک ملک انا شونداری نا کسر اٹی غٹ آن بھلا اڑاند ءِ۔
