اسلام آباد۔ 26دسمبر (اے پی پی) صدر مملکت ڈاکٹر عارف علوی پارینے کہ بنجائی محتسب ءِ غاو جمع کرفنگ نا بابت الس اٹی شعور ودی کننگ نا السی مہم اس بایدے بناکروئی مرے و دارداٹ مچ آ ملک اٹی سہ ماہی بنداو آ سیمینار آتا بایدے بست و بند مرے۔ اوداہیت ءِ بنجائی محتسب سید طاہر شہباز تون ہیت وگپ کرسا پارے ہراچارشنبے نادے آ داڑے اوڑتون اوڑدہی کرے۔ صدر مملکت غاو تا ازالہ کن بنجائی محتسب تون رجوع کننگ کن الس اٹی آگاہی ودی کننگ کن مچ آ ملک اٹی سہ ماہی سیمینار اڈتننگ نا پارت کرے۔ اوبنجائی و صوبائی محتسب نا اسیجا سیمینار نا کماشی آ ہم امنا کرے تانکہ الس ءِ اوفتا درگہ غا غاو تا ازالہ کن دا دفترآتا کڑد انا بارواٹ جوان وڑاٹ معلومدار کننگ مرے۔ اوڑدہی ٹی بنجائی محتسب طاہر شہباز صدر مملکت ءِ بنجائی محتسب سیکرٹریٹ نا کارکڑد نا بارواٹ ہم معلومدار کرے۔
