اسلام آباد۔ 26 دسمبر(اے پی پی) نجکاری نا کابینہ کمیٹی نا دیوان وزیر خزانہ اسد عمر نا کماشی ٹی چارشنبے نادے آ مس۔ دیوان اٹی سیکرٹری نجکاری نیشنل پاور پارکس مینجمنٹ کمپنی نا چاروکی ٹی آر ایل این جی پاور پلانٹس (بلوکی و حویلی بہادر شاہ) لاکھڑا کول مائنز و سروسز انٹرنیشنل ہوٹل تون اوار نجکاری نا فہرست اٹی اوار سرکاری ادارہ غاتا نجکاری نا عمل اٹی پیش رفت آن معلومدار کرے۔ دیوان اٹی میری پٹرولیم کمپنی ٹی حکومت نا بقایہ شیئرآتا نجکاری نا بابت معاملہ غاتیا ہم گپ و تران کرے۔ نجکاری کمیٹی ہڑتوم آ آر ایل این جی پلانٹس آتا جوان وڑاٹ نجکاری نا آسراتی کن نیشنل پاور پارکس مینجمنٹ کمپنی نا نجکاری نا ہم منظوری ءِ تس۔ کابینہ کمیٹی میری پٹرولیم کمپنی لمیٹڈ اٹی حکومت نا ایلو 18.39 درسد شیئرآتا نجکاری آ پیش رفت نا ہم منظوری ءِ تس۔ لاڑکانہ کول مائنز نا معاملہ غا کمیٹی پارت کرے کہ نجکاری نا معاملہ عدالت اٹی زیر سماعت ءِ و داڑآ سپریم کورٹ نا فیصلہ غان پد عمل کننگے۔ کمیٹی ءِ سیکرٹری نجکاری نا کنڈآن کے الیکٹرک نا حصص نا ساڑی آ حالیت آتیا ہم معلومدار کرے۔

متعلقہ مضامینمصنف کی طرف سے مزید