اسلام آباد۔20مئی (اے پی پی): مزن وزیر محمد شہباز شریف ءَ ٹیکس چوری ءُ اسمگلنگ ءِ گر ءُ دار ءِ واستہ گیشیں گامگیج آنی ترندی ءُ جوانیں رنگ ءَ عمل کنگ ءِ ہدایت کتگ ءُ گوشت کہ 70سال ءِ کوھنیں کرپشن ءِ راست کنگ ءِ واستہ سکیں گامگیج المی انت۔ ٹیکس دہندگانی ءُ کاروباری مردم آناں گیش ءَ چہ گیش آسراتی پجاری کنگ بیت۔ ٹیکس ءِ چک ءُ پد ءُ کاروباری مردم ھچ وڑیں مراعات ءِ مستحق نہ اَنت۔ سئے شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءِ سروکی ءَ ایف بی آر ءِ کار ءُ برجاھیں اصلاحات ءِ ھوالگ ءَ چار ءُ تپاسی دیوان برجم دارگ بوت۔ گند ءُ نند ءَ بنجاھی وزیر مزن وزیر نظیر تارڑ، احد خان چیما، محمد اورنگزیب، عطا اللہ تارڑ، چیئرمین ایف بی آر ءُ ہمگرنچیں مزن مزنیں کارندہ آں بہر زرتگ۔ مزن وزیر ءَ دیوان ءَ گوں گشتانک دیان ءَ گوشت کہ ایف بی آر ءَ را ڈیجیٹل کنگ ءُ سسٹم ءَ را آٹومیٹ کنگ ءِ واستہ گامگیج کنگ بوھگ ءَ انت۔ 70سال ءِ کوھنیں کرپشن ءِ راست کنگ ءِ واستہ سکیں گامگیج المی انت۔ ٹیکس دہندگانی ءُ کاروباری مردم آناں گیش ءَ چہ گیش آسراتی پجاری کنگ بیت۔ ٹیکس ءِ چک ءُ پد ءُ کاروباری مردم ھچ وڑیں مراعات ءِ مستحق نہ اَنت۔ ٹیکس چوری کنوک ءُ کاروباری مردمانی حلاف ءَ موثر قانونی کارروائی کنگ بیت۔ مزن وزیر ءَ ٹیکس ءِ آمدنی ءَ را گیش کنگ ءِ واستہ ایف بی آر ءُ آئی ءِ کمکی کانود نافذ کنوکیں ادارگ آنی کوشست آناں ساڑات۔ گند ءُ نند ءَ گوشگ بوت کہ سیلز ٹیکس چوری ءِ گر ءُ دار ءِ واستہ ملک ءَ راجی ٹارگٹنگ سسٹم جوڑ کنگ بوھگ ءَ انت۔ اے نظام ءِ چیر دستی ءَ پروڈکٹس ءِ ٹرانسپورٹ ءَ ہواریں گاڑی آناں ای ٹیگ ءُ ڈیجیٹل ڈیوائسز ءِ وسیلگ ءَ براہ راست ٹریک کنگ بیت۔ ایشی ءَ ابید ای بالٹی سسٹم ھم دیم ءَ آرگ بوھگ ءَ اِنت کہ ایف بی آر سسٹم ءِ سر ءَ جاری کنگ بیت۔ ملک ءِ تہ ءَ درستیں مزنیں شاہراہ ءُ شہر آنی تہ ءَ داخل بوھگ ءِ جاہ آنی سر ءَ ڈیجیٹل مانیٹرنگ سسٹم ایر کنگ بیت۔ اے گامگیج ءَ چہ قاچاق ءُ سیلز ٹیکس ءِ چوری ءِ ھلاسی بیت، عام شہری ءَ را بند کنگ ءِ زحمت ءَ چہ رکّینگ ءُ وھد ءِ بچت کنگ بیت۔ مذکورہ بالا نظام ءَ چہ معیشت ءِ ڈیجیٹلائزیشن ءِ اہل جوڑ بیت ءُ آمدنی ءَ را مزنیں کساسے ءَ گیشی بیت۔ دیوان ءَ گیش گوشگ بوت کہ بندرگاہ ءُ بالی پٹ آنی تہ ءَ درآمد ءُ برآمدات ءِ ڈیجیٹل ءُ آٹومیٹک نگرانی ءِ واستہ کسٹم ٹارگٹنگ سسٹم جوڑ کنگ بوھگ ءَ انت۔ اے نظام ءَ را بنجاہی ءُ میاں اوستمانی ڈیٹا بیس ءَ گوں ہمگرنچ کنگ بیت ءُ مصنوعی ذہانت ءِ کارمرز کنگ ءَ ٹیکس چوری ءُ اسمگلنگ ءِ دیم ءَ دارگ بیت۔ دیوان ءَ گوشگ بوت کہ ایف بی آر ءُ ایشی ءَ گوں سیادی داروکیں ادارگ آنی کارکن آنی واستہ جوانیں تربیتی بندوبست ھم کنگ بوھگ ءَ انت تانکہ آ نوکیں نظام ءَ گوں آشنا کنگ بہ بنت۔ دیوان ءَ گیش گوشگ بوت کہ اے نظام ءَ را دو بھر ءَ چہ کارمرد کنگ بیت۔ اولی بھر ءَ ایشی ءِ پائلٹ پروجیکٹ یک مزنیں شہرے ءَ بندات کنگ بیت ءُ پد ءَ سرجمیں ملک ءَ ایشی ءِ سر ءَ عمل کنگ بیت۔ دیوان ءَ سیمنٹ، ہیچری، پولٹری فیڈ، تمباکو ءُ مشروبات ءِ شوبگ ءَ سیلز ٹیکس ءِ نگرانی ءِ ھوالگ ءَ ھم سرپد کنگ بوت۔ دیوان ءَ سرپد کنگ بوت کہ ایف بی آر ءِ افسر ءُ کارندہ ءُ کمکی ادارگ آناں تمباکو، مشروبات، اسٹیل ءُ سیمنٹ ءِ شوبگ ءَ پیداوار ءِ نگرانی ءِ واستہ تعینات کنگ بوتگ انت، اے وڑ ءَ کہ شکر ءِ صنعت ءَ نگرانی ءِ نظام ءِ سر ءَ عمل کنگ بوتگ۔ مزن وزیر ءَ ہدایت کت کہ درستیں گامگیجاں ترند، موثر ءُ پائیداریں رنگ ءَ عمل کنگ بہ بیت۔
