اسلام آباد۔20مئی (اے پی پی): راجی اسمبلی ءِ اسپیکر سردار ایاز صادق ءَ گوستگیں شپ ءَ خیبر پختونخوا ءُ بلوچستان ءَ جتا جتائیں آپریشن ءِ وھد ءَ بھارت ءِ کمک ءَ درئی ناشرکارانی ھلاس کنگ ءِ پد ءَ سیکورٹی فورسز ءَ را شگر ءُ منت گپت۔ قومی اسمبلی ءِ سیکرٹریٹ ڈائریکٹوریٹ جنرل آف میڈیا ءِ نیمگ ءَ جاڑی بوتگیں بیان ءِ رد ءَ قومی اسمبلی ءَ آپریشن ءِ ساھت ءَ شھید بوتگیں سپاہی فرھاد علی توری ءُ سپاہی صابر آفریدی ءَ را وشیں شگر ءُ منت گپت۔ آئی ءَ گوشت کہ راج وتی بامردیں زھگ آنی مزنیں قربانی ءَ را مدام یات کنت۔ قومی اسمبلی ءِ صدر ءَ گوشت کہ پاکستان ءِ امن ءَ را ھراب کنگ ءِ واستہ بھارت ءِ کمک ءَ درئی ءُ ناشرکاریں عناصر آنی پندل ءَ را بے سوب کنگ ءِ واستہ سیکورٹی فورسز ءَ را سلام پیش کناں۔ دژمن ءِ گوما دیم پہ دیم بوھگ ءِ وھد ءَ سپاہی فرھاد علی توری ءُ سپاہی صابر آفریدی ءَ کجام بہادری ءَ وتی سر ندر کتگ آ ھچبر شموشگ نہ بیت۔ سردار ایاز صادق ءَ شہیدانی گھارانی گوما دلپدردی ءُ دلپدردی ءِ درشانی کتگ ءُ گشتگ کہ سرجمیں راج شہیدانی گھارانی غم ءَ شریک انت۔ آئی ءَ گوشت کہ پاکستان ءِ سیکورٹی فورسز ملک ءِ امن ءُ ایمنی ءِ واستہ کجام قربانی دیگ ءَ انت آ پھر ءِ لائک انت ۔ قومی اسمبلی ءَ وتی جزم ءِ پدا زور پر دات کہ ناشرکاری ءِ ھلاپ ءَ جنگ ءَ سرجمیں راج یکجائی ءَ انت ءُ پاکستان ءِ امن ءُ ایمنی ءَ را تاوان دیگ ءِ اجازت دیگ نہ بیت۔ قومی اسمبلی ءَ شہیدانی رِتک برز کنگ ءِ واستہ دعا کتگ ءُ پُشدریں کھول ءَ را صبر ءُ اوپار دیگ بہ بیت۔
