اسلام آباد۔20مئی (اے پی پی): مزن وزیر محمد شہباز شریف ءَ سئے شمبے ءِ روچ ءَ ایوان ءِ صدر ءَ صدر آصف علی زرداری ءَ گوں گند ءُ نند کت۔ مزن وزیر ءَ جنرل سید عاصم منیر ءَ را فیلڈ مارشل ءِ رینک ءَ برز کنگ ءِ پیسلہ صدر ءِ مملکت ءَ سر کتگ ۔ صدارتی ایوان ءِ پریس ونگ ءِ نیمگ ءَ چہ جاڑی بوتگیں بیان ءِ رد ءَ مزن وزیر ءُ صدر ءِ مملکت ءِ نیام ءَ گند ءُ نند ءِ ساھت ءَ وفاقی کانود ءِ وزیر اعظم نذیر تارڑ، وزیر دیمپان خواجہ محمد آصف ءُ منصوبگ بندی ءِ وزیر پروفیسر احسن اقبال ھم ھوار بوتگ اَنت۔ مزن وزیر ءَ صدر ءِ مملکت ءَ را جنرل سید عاصم منیر ءَ را فیلڈ مارشل ءِ رینک ءَ برز کنگ ءِ پیسلہ ءِ بابت ءَ سرپد کت۔ اے موہ ءِ سر ءَ صدر ءِ مملکت ءَ گوشت کہ جنرل سید عاصم منیر ءِ سروکی ءَ سلاہ بندیں اُرد ءَ ماتیں وطن ءِ جوانیں رنگ ءَ دیمپان کتگ۔ صدر ءِ مملکت ءَ گوشت کہ جنرل سید عاصم منیر ءَ بھارتی زوراکی ءِ ھلاپ ءَ فیصلہ کنوکیں پسو، وطن ءِ سوبمندیں دیمپان ءُ جوانیں جنگی حکمت عملی ءِ واستہ فیلڈ مارشل ءِ رینک ءَ دیمروئی ءِ مستحق اِنت۔ گند ءُ نند ءَ آئی ءَ بھارتی اُرش آنی پد ءَ پاکستان ءِ جوانیں پسہ ءِ واستہ سلاہ بندیں اُرد ءُ پاکستانی اُرد ءِ ازمکاری آنی توسیپ کت۔
