اسلام آباد۔ 26 دسمبر (اے پی پی) مزن وزیر عمران خان ءَ اسلام آباد ءَ شیلٹر ہوم ءِ بنگیج کت، مزن وزیر ءَ شیلٹر ہوم ءِ آسراتی ءِ چار ءُُ تپاسی گپت ءُُ ڈسپنسری ءَ ھوار جتا جتائیں شوبگ آنی تر ءُُ تاب کت۔ چار شمبے ءِ روچ ءَ ادا شیلٹر ہوم ءِ بنگیج ءِ موہ ءَ ھیال آنی درشان ءَ کنان ءَ مزن وزیر عمران خان ءَ گوشت کہ سرجمیں شہر ءَ چہ گریب ءُُ بزگیں مردم آناں شیلٹر ہوم ءِ تہ ءَ آرگ ءِ واستہ ھمک روچ بیگاہ ءِ وھد ءَ بس سروس بندات کنگ ءِ پنت ءُُ شون کت۔ ایشی ءِ پد ءَ شیلٹر ہوم انتظامی ءَ مزن وزیر ءَ را گوشت کہ بس سروس بندات بوتگ ایشی ءِ پد ءَ مزن وزیر ءَ سیلٹر ہوم انتظامی ءِ توسیپ کت۔ مزن وزیر ءَ گوشت کہ پشاور ءَ شیلٹر ہوم ءَ تاں بزگیں مردم آناں آرگ ءِ واستہ حکومت ءِ نیمگ ءَ دو بس چلاھینگ بوتگ اَنت ایش بیگاہ ءَ چل اَنت ءُُ اے سروس لاہور ءَ ھم بندات کنگ بوتگ۔
