اسلام آباد۔ 26 دسمبر (اے پی پی) صدر مملکت ڈاکٹر عارف علوی ءَ گوشت کہ جان سلامتی ءِ شوبگ استیں حکومت ءِ اولی ترجی آنی تہ ءَ ھوار اِنت ایش الس ءَ را جان سلامتی ءِ شوبگ ءَ جوانیں ءُُ ھم کچیں پجاری ءُُ سستائیں ازمت ءِ پجاری ءِ واستہ جزمیگ آں۔ صدر ءِ مملکت ءَ اے ھیالانی درشانی چار شمبے ءَ راجی جان سلامتی این آئی ایچ ءِ تر ءُُ تاب ءِ ساھت ءَ تران کنان ءَ کت۔ صدر ءِ مملکت ءَ را این آئی ایچ ءِ بابت ءَ سرجمیں بریفنگ دیگ بوت۔ بُنجاھی وزیر نیشنل ہیلتھ سروسز‘ ریگولیشنز ءُُ کوآرڈینیشن عامر محمود کیانی ھم اے موہ ءِ سر ءَ ساڑی ات۔ صدر ءِ مملکت ءَ گوشت کہ پاکستان ءَ درستانی واستہ جان سلامتی ءِ آسراتی ءِ پُجاری درسانی یکجاھیں ویژن اِنت۔ صدر ءِ مملکت ءَ گوشت کہ پاکستان ءَ درستانی واستہ جان سلامتی ءِ جوانیں ءُُ الکاپیں آسراتی ءِ پجاری درستانی یکجائیں ویژن ءِ واستہ مارا درستاناں اے جوانیں کار ءِ تہ ءَ توامیں پینگ آناں یک مشت بوھگ ءُُ گستا کنگ لوٹ ایت۔ آئی ءَ گوشت کہ جان سلامتی ءِ نظام ءِ تہ ءَ گہتری ءِ واستہ پٹ ءُُ پول جوان اَنت۔ صدر مملکت ءَ گوشت کہ این آئی ایچ یک راجی ادارگ اِنت ایش بنجاھی حکومت ءَ را نادُراھی ءِ سر ءَ کنٹرول ءِ واستہ شریں کار رپک ءُُ نادُراھی ءُُ ایندگر بازیں نادُراھی آنی سرءَ پٹ ءُُ پول ءُُ نوکیں کار رپک آنی کارمردی ءِ وسیلگ ءَ آوانی جیڈھ آنی سر ءَ پٹ ءُُ پول کنان ءَ کمک پُجارین ایت۔
