اسلام آباد۔ 25 دسمبر (اے پی پی) صدر مملکت ڈاکٹر عارف علوی ءَ پاکستان ءِ جوڑیشت کار ’’ایمان، اتحاد، تنظیم’’ ءِ جوانیں رھبند آنی رند پد کنگ ءِ ضلورت ءِ سر ءَ زور پر دیان ءَ گوشت کہ راج چاگرد ءِ تہ ءَ ناشرکاری لٹ ءُُ پل ءُُ ایندگر سلئیں نادُراھی آں چہ بچارینگ ءِ ھاترا وتی تہ ءَ یکوئی پیداک بکن اَنت۔ آئی ءَ اے گپ بابائے راج قائداعظم محمد علی جناح ءِ 142 سالروچ ءِ درگت ءَ وتی کلوہ ءِ تہ ءَ گوشت۔ آئی ءَ گوشت کہ اے درست مئے واستہ گلئی ءُُ جمہوریت ، پچیں سسا، کانود ءِ مستری ءُُ سروکی ءِ ٹوھیں لیکہ آں گوں بندوک بوھگ ءِ موہ رسیت ۔ ڈاکٹر عارف علوی ءَ گوشت کہ قائداعظم محمد علی جناح ءَ ھرابیں جاور آنی تہ ءَ برصغیر ءِ مسلمان آناں یک مشت ءُُ یک راج ءِ بستار ءَ یکجا کتگ ءُُ آوانی واستہ یک جتائیں ءُُ وت مستریں وطن ءِ دزگیر کتگ آھودا آ وتی روایات ءُُ رسم ءُُ ربیدگ ءِ رد ءَ زندمان ءَ گوازینت کت بکن اَنت۔ آئی ءَ برصغیر ءِ مسلمان آناں آشوبی دور ءَ سروک کتگ ءُُ آواناں یک مشت ءُُ یکجا کنگ ءَ شپ روچ جمہوری رنگ ءَ جہد ءُُ کوشت ءِ وسیلگ ءَ آزادی در جنگ ءِ لائک جوڑ کت۔
