اسلام آباد۔ 25 دسمبر (اے پی پی) مزن وزیر عمران خان ءَ گوشت کہ قائداعظم محمد علی جناح ءَ اے رنگیں ریاست ءِ لیکہ پیش کتگ ھمودا وشھالیں چاگرد ءِ وسیلگ ءَ ریاست مدینہ ءِ کارھبند آنی سر ءَ کار کنگ بیت کنت قائداعظم محمد علی جناح ءَ را توسیپ ءُُ ستا پیش کنگ ءِ جوانیں کار ایش انت کہ ما وتی ملک ءَ را گہبودی دیمروئی ءُُ وشھالیں ریاست جوڑ کنگ ءِ واستہ آئی ءِ ویژن یکوئی ءُُ ایمان ءِ جوانیں رپک آنی رند پد ءَ ھواریں رنگ ءَ کار بکن اَنت ما مرچی اے جزم ءِ درشان ءَ کناں کہ گوستگیں وھد ءِ ردیگ آں پد ءَ واتر نہ کناں ما درس قائداعظم ءِ ویژن ءَ را گواچن ءِ تہءَ مٹ کنگ ءِ ھاترا یک راجے ءِ بستار ءَ کار کناں ءُُ ملک ءَ را دگنیا ءِ دیم ءَ راستیں لکا ءَ پیس دار آں۔ قائداعظم محمد علی جناح ءِ 143یک سد ءُُ چِل ءُُ سیمی سالروچ ءِ موہ ءَ وتی کلوہ ءِ تہ ءَ مزن وزیر عمران خان ءَ گوشت کہ بیستمی کرچ ءِ نامداریں رھشون قائداعظم محمد علی جناح ءَ را توسیپ ءُُ ستا پیش کن آں آئی ءَ وتی ویژن ءُُ مسلمان آنی ھک ءِ واستہ سک باز جھد ءُُ کوشست ءِ وسیلگ ءَ راجدپتر ءِ تہ ءَ جوانیں نکش رند اِت۔
