اسلام آباد۔ 24 دسمبر (اے پی پی) محکمہ موسمیات نا رداٹ بروک آ اِرٹ آن مسہ دے اٹی ملک انا گیشتر علاقہ غاتے ٹی موسم یخ و پِرکپک وخت اس کہ قطبی علاقہ غاتے ٹی یخ انا شدت برقرارسلک و بڑزکو علاقہ غاتے ٹی سہب انا وخت آ گوتلو تمنگ نا گمان ارے ۔ پنجاب نا میدانی علاقہ، بڑزکو سندھ و پشاور ڈویژن اٹی نن و سہب انا وخت آتے ٹی گڑاس ہند آتیا گوتلو تمنگ نا گمان ءِ۔ رپورٹ نار داٹ گدرینگوک آ 24گھنٹہ ٹی ملک انا قطبی علاقہ غاتے ٹی موسم بھاز یخ وخت اس کہ ایلو علاقہ غاتے ٹی یخ و پِرکتنے۔ پنجاب نا گڑاس میدانی علاقہ غاک سہب انا وخت اٹی گوتلو نا پلویڑ اٹی ئسر۔ داڑے گوتلو نا سوب آن قومی شاہراہ و موٹروے تیا ٹریفک زہمی مسنے و موٹروے ءِ کیہی جاگہ غاتیا ٹریفک ءِ عارضی وڑاٹ بند کننگا۔ نیشنل ہائی ویز اینڈ موٹرویز پولیس نا کمامدارآک شاری تیان سفر اٹی خیال کننگ و احتیاطی تدابیر آ عمل کننگ نا خواست کرینے۔
