اسلام آباد ۔ 23 دسمبر (اے پی پی) وزیر ءِ ھزانگ اسد عمر ءَ گوشت کہ استیں حکومت ءِ پیسلہ آنی برورد آیگ ءَ بندات بوتگ ءُُ حکومتی پیسلہ آں چہ پد اقتصادی ٹک دیم پہ گہتری ءَ روگ ءَ اَنت۔ یک شمبے ءِ روچ ءَ وتی یک ٹویٹ ءِ ئے تہ ءَ آئی ءَ گوشت کہ گوزوکیں مالی سال ءَ جولائی تاں اکتوبر ءِ ساھت ءَ جندی شوبگ ءَ را 360ارب کلدار ءِ وام جاڑی کنگ بوتگ وھدیکہ گوستگیں مالی سال ءِ ھمے وھد ءَ شوبگ ءَ را رستگیں وام آنی کساس 110ارب کلدار بوتگ۔ آئی ءَ گوشت کہ جاڑیگیں مالی سال ءَ جولائی تاں نومبر ءِ ساھت ءَ کشت ءُُ کشاری شوبگ ءَ وام آنی کساس 36درسد گیشی بوتگ ءُُ کشت ءُُ کشاری شوبگ ءَ 212 ارب کلدار ءِ وام پجارینگ بوتگ وھدیکہ گوستگیں مالی سال ءِ ھمے ساھت ءَ کشت ءُُ کشاری 156ارب کلدار ءِ وام جاڑی کنگ بوتگ۔
