بنی آدمی ھک آنی بنجاھی وزیر ڈاکٹر شیریں مزاری ءِ ’’اے پی پی‘‘ ءَ گوں گپ ءُُ تران

اسلام آباد۔ 23 دسمبر (اے پی پی) بنی آدمی ھک آنی بُنجاھی وزیر ڈاکٹر شیریں مزاری ءَ گوشت کہ پاکستان ءِ نیمگ ءَ چہ اقوام ءِ متحدہ ءِ جنرل اسمبلی ءَ پیش کتگیں بین المذاہب ءُُ دود ءُُ ربیدگی یکوئی ءِ منوگری ءِ منظوری ھاسیں ارزشت ءِ دار ایت ایشی ءَ چہ نیک راھ آنی وت مہ وتی یکوئی ءَ را دیمروئی رسیت سول ءُُ تران آناں دلبڈی رسیت ءُُ اے بابت ءَ کار کنوکیں ادارگ آں جوانیں گامگیج پیلو کتگ۔ یک شمبے ءِ روچ ءَ ادا ’’ اے پی پی ‘‘ ءَ گوں تران کنان ءَ آئی ءَ وزارت ءَ گور آنی جیڈھ آنی گیواری ءِ واستہ 24/7ہیلپ لائن جوڑ کتگ تانکہ سرجمیں ملک ءَ چہ رپوٹس آنی رد ءَ جیڈھ آنی سرجمیں گیواری ءُُ آواناں کانودی کمک پجارینگ بہ بیت۔ آئی ءَ گوشت کہ یورپی ملک آنی وڑ ءَ پاکستان ءَ ھم گیر مسلم آنی واستہ کانود ساڑی اِنت ایشانی تہ ءَ ہندوسور ءُُ سانگ ءُُ طلاق ءَ ھوار ایندگر کانود ھوار اَنت وھدیکہ عیسائی آنی طلاق ءِ ھوالگ ءَ کانود زوت قومی اسمبلی ءَ پاس کنائینگ بیت۔ آئی ءَ گیش تران کت کہ اسلام مارا بنی آدم دوستی ءِ سبک ءَ دنت ءُُ ما گور آں گوں دوستی کناں ءُُ مئے دل آنی تہ ءَ سک باز یکوئی اَست۔ آئیءَ گوشت کہ ما دُرست یک آں ھمے ھاترا ما گور آنی گوانک ءَ بلند کنوک آں۔