لاہور۔ 22 دسمبر (اے پی پی) مزن وزیر عمران خان ءَ گوشت کہ حکومت کیاسگری ءِ رنگ ءَ پشت ءَ نہ کنز اَیت، اسمبلی ءَ را لٹ ءُُ پل ءِ زر آنی بچارینگ ءِ واستہ کارمرد بوھگ نئیل آں، جنوبی پنجاپ ءِ 250ارب کلدار دومی دمگ آنی سر ءَ ھرچ ءُُ درچ کنگ بوت، انصاف ءِ زوت پجاری ءِ واستہ کانود جوڑ کنگ ءَ آں ءُُ یک سال ءِ توک ءَ توامیں سول کیسز آناں گیوار کنگ بنت، گور آناں ھمگامیں شہری جوڑ کناں ءُُ مودی ءِ بھارت ءَ پیش داراں کہ گور آناں چتور کنگ بیت، دھکان آنی پیداواری ازم ءَ را گیش کنگ ءُُ کسانیں دھکان آناں وشھالی ءِ واستہ کشت ءُُ کشاری منصوبگ دیاں، اسلام آباد ءَ 350ارب کلار وھدیکہ پنجاپ ءَ 160ارب کلار ءِ سرکاری زمین آناں لٹ ءُُ پُل کار آں چہ پچ گپتگ۔ شمبے ءِ روچ ءَ لاہور ءَ پنجاپ حکومت ءِ 100روچ ءِ سرجم کنگ ءِ پد ءَ برجم داشتگیں مراگش ءَ گوں گشتانک دیگ ءَ اَت۔
