لاہور۔ 22 دسمبر (اے پی پی) مزن وزیر عمران خان صوبہ پنجاپ ءِ جتا جتائیں ضلع آنی ڈسٹرکٹ کونسل چیئرمین آنی کلانہ ایں صوبائی وزیر عبدالعلیم خان ءِ سروکی ءَ شمبے ءِ روچ ءَ لاہور ءَ گند ءُُ نند کت ءُُ پاکستان تحریک انصاف ءَ بھر زوری کت۔ چیئرمین پیر غلام محی الدین (وہاڑی)، سید قلندر عباس شاہ (بہاولنگر)، احمد نواز خان (بھکر)، شیخ دلشاد قریشی (بہاولپور)، چوہدری ثقلین سجنکا(چنیوٹ)، بابر خان سیال(جھنگ), ملک علی قادر(اوکاڑہ)، ملک اسلم سکھیرا(پاکپتن)، عمر خان گوپنگ ( مظفر گڑھ)، انجینئر رضا سرگانہ (خانیوال)، امیر حیدر سنگھا (خوشاب) ھوار اَنت۔ بھر زوروکیں چیئرمین آں مزن وزیر ءِ ویژن ءُُ سروکی ءِ سر ءَ سرجمیں دل یکیمی ءِ درشان کت ءُُ گوشت کہ مزن وزیر ءِ سسروکی ءَ ملک دیمروئی ءُُ وشھالی ءِ نیمگ ءَ جنزگ ءَ اِنت۔ مزن وزیر ءَ ھوار کپوکیں ڈسٹرک کونسل آنی چیئرمین ااناں پارٹی ءِ تہ ءَ ھوار کپگ ءِ بابت ءَ وش اتک کت۔
