جہلم۔ 22 دسمبر (اے پی پی) بُنجاھی وزیر اھوالکاری ءُُ شنگ کاری چوہدری فواد حسین ءَ گوشت کہ پاکستان تحریک ءِ انصاف ءَ را اے سوگند ءِ پد ءَ ووٹ رستگ کہ پاکستان ءَ کانود ءَ را پد ءُُ رند کنگ ءِ ھاترا مردم آناں چارگ نہ بیت، اے رنگ مہ بیت کہ طاقتور ءُُ بزگیں مردم آنی واستہ جتا جتائیں کانود بہ بیت، مزن وزیر عمران خان یک ٹوھیں ریکاٹ ءِ پروشتگ ءُُ ووٹ گپتگ، سیر لاپیں مردم گرگ باں گڈا جمہوریت بیم ءِ تہ ءَ بیت، عمران خان بادشاہ یا ڈکٹیٹر نہ اِنت کہ آ دو آب گوشیت اے درست مٹ بنت، اے دراج بُریں کوشست اِت، اے ھیالانی درشانی آئی ءَ جہلم جوڈیشنل کمپلیکس ءِ نوکیں ماڑی ءِ بنگیج ءِ موہ ءَ مراگش ءَ گوں گشتانک دیان ءَ کت۔ اے موہ ءِ سر ءَ فرحت کمال ضیاء ایڈووکیٹ ءِ بنجاھی وزیر ءَ را مزن وزیر ، چیف جسٹس آف پاکستان دیامر بھا شا مہمند ڈیم فنڈ ءِ واستہ یک لکھ کلدار ءِ چیک وھدیکہ جہلم ڈسٹرکٹ بار ءِ صڈر آصف ندیم ءِ گشتانک وش اتکی دات۔ مراگس ءَ گوں گشتانک دیان ءَ وزیر ءِ اھوالکاری ءُُ شنگ کاری ءَ گوشت کہ جہلم بار ایسوسی ایشن ءَ چہ مئے نوکیں باھند آنی سیادی اِنت۔ پاکستان ءِ جوڑ بوھگ ءَ چہ پیسر منی پیرک چوہدی اویس ءَ سیاست کتگ، من جاگیردار ءُُ ٹوھیں سیاست دان ءِ نیاں بلکینگ ءَ نیامی تبک ءِ مردم آں گوں سیادی انت۔ وزیر ءِ اھوالکاری ءُُ شنگ کاری ءَ گوشت کہ پاکستان تحریک انصاف ءَ را اے سوگند ءِ پد ءَ ووٹ رستگ کہ پاکستان ءَ کانود ءَ را برز ءُُ بالا کنگ بیت ءُُ ھمک مردم ءِ واستہ کانود یک رنگ ءَ سہرا کنگ بیت گریب ءُُ بزگر ءُُ سیر لاپ ءِ دیم ءَ یک رنگیں کانود بنت۔
