ملتان۔22دسمبر(اے پی پی)وزیر درئی کاری مخدوم شاہ محمود قریشی ءَ گوشت کہ شکیل آفریدی ءِ مٹ ءَ عافیہ صدیقی ءِ یل کنگ ءِ ھوالگ ءَ شنگ بوتگیں ھال آنی تہ ءَ اچ راستی نیست۔ ملتان ءَ قلعہ کہنہ قاسیم باغ ءَ گل داؤدی ءِ نماش ءِ درگت ءَ برجم داشتگیں بنگیجی مراگش ءَ پد میڈیا ءَ گوں گپ ءُُ تران کنان ءَ گوشت کہ اوگان جیڈھ ءِ سر ءَ دیمروئی بوھگ ءَ انت آ سک گل اِنت۔ آئی ءَ گوشت کہ آئی ءَ اے رد ءَ اوگان صدر اشرف غنی ءَ ھوار ٹوھیں کارندہ آں گند ءُُ نند کتگ۔ اے گند ءُُ نند آنی مول ءُُ مراد اوگانستان ءَ ایمنی ءِ برجائی اِنت۔ مقبوضہ کشمیر ءِ ھوالگ ءَ یک جستے ءِ پسو ءَ دیان ءَ وزیر ءِ درئی کار ءَ گوشت کہ پاکستان لٹ ءُُ پل ءِ ھلاپ ءَ گوانک برز ءُُ بلند کتگ ءُُ بنی آدمی ھک آنی پامالی ءَ میاں اوستمانی تک ءَ بارت۔ آئیءَ گوشت کہ مزن عمران خان ءَ ھم اقوام ءِ متحدہ ءِ سیکرٹری جنرل ءَ اے جیڈھ ءِ سر ءَ گپ ءُُ تران کتگ ءُُ گوشتگ کہ آ بھارتی ظلم آنی گر ءُُ دار ءِ واستہ وتی کرد ءَ پیلو بکن اَنت۔
