صدرمملکت ءِ سرکاری گس ’’ایوان صدر‘‘ لس مھلوک ءِ واستہ پچ کنگ بوتگ

اسلام آباد ۔ 22 دسمبر (اے پی پی)صدرمملکت ءِ مارگلہ ہلز ءِ کش ءَ ءُُ بُنجاھی دارالحکومت ءِ ہائی سکیورٹی دمگ ریڈ زون ءَ استیں سرکاری گس ’’ایوان صدر‘‘ ءَ را شمبے ءِ روچ 22 دسمبر2018ءَ سھب ءِ 9بج ءَ بگر تاں بیگاہ ءِ 4بج ءَ تاں لس مھلوک ءِ واستہ پچ کنگ بوت۔ ایوان ءِ صدر ءِ کارندہ آں جندی ٹی وسی چینل ءَ گوں تران کنان ءَ گوشت کہ سرکاری ماڑی آں تاں لس مھلوک ءِ سر بوھگ ءِ واستہ حکومتی پالیشی ءِ چیر دستی ءَ ایوان ءِ صدر ءَ توک ءَ پترگ ءِ واستہ شناسی کاٹ ءِ آرگ المی اِنت ایشی ءَ پد آئی ءَ را ایوان ءِ صدر ءَ توک ءَ پترگ ءِ موہ رسیت۔ آئی ءَ گوشت کہ مئے حکومت الس ءَ گوں کتگیں سوگند آں پیلو کنت۔