لاہور۔ 21 دسمبر (اے پی پی) وزیراعظم نا سلاہکار واپار و زرکاری عبدالرزاق داؤد ’’انٹیریئرز پاکستان‘‘ نمائش نا شاندار اڈ تننگ و ہندی فرنیچر سیکٹر ءِ مون آدننگ کن پبی کڑد ادا کننگ آ پاکستان فرنیچر کونسل (پی ایف سی) نا چیف ایگزیکٹو میاں کاشف اشفاق ءِ مبارکباد پیش کرینے۔ جمعہ نادے پی ایف سی نا کنڈآن جاری بیان نا رداٹ میاں کاشف اشفاق نا پن اٹ تینا کلہو اٹی سلاہکار واپار عبدالرزاق داؤد ، ہرادہ می 3دے ئی میگا نمائش نا ایسری دے آ بطور مہمان خاص ساڑی مسوسس، پارے کہ پی ایف سی نا نمائش آک ہندی و جہانی دورہ، بہاکروک و ہلوک آتا نیام اٹ رابطہ، چنکا کاروبار نا شونداری، علمی اشتراک نا مون آ دننگ و جہانی واپار زرکاری کن اسہ پلیٹ فارم ترسا معیشت نا مون آ دننگ اٹ بے کچ اہم کڑد ادا کننگ ءِ۔ اوپارے کہ ہندا نمائش اٹی جہانی آب انا فرنیچر تا بھلو کچ اسے ٹی اسٹا ل و ہلوک آتا رش و است خواہی ءِ خناٹ است کنا خوش مس۔ اوپارے کہ برآمدی کچ ءِ ودفنگ و جہانی زرکارآتے تینا کنڈا چکار کرفنگ کن ننے ٹیکنالوجی نا شونداری و مصنوعات آتا آب ءِ گچین جوڑ کننگ نا سخت گرج مءِ۔ عبدالرزاق داؤد ہندی صنعت ءِ مون آ دننگ کن بھلو کچ اسے آ کاریم کننگ نا گرج آ زور شاغسا پارے کہ پاکستان وسیلہ غاتیان ہمپوک ءِ و ننا خلقت گچین مہارت و ہنرتخک ہرا پوسکن آ وڑوڈول آتیا ملک شونداری ٹی تینا کڑد ءِ ادا کننگ کیرہ۔
