سوج جمع کرفوک آ باسک آتا تینٹ ایوان اٹی ساڑی مفننگ آ اوفتا ضمنی سوج آتا معاملہ غا ہاؤس بزنس ایڈوائزری کمیٹی نا بروک آ دیوان اٹی سجفنگک، سینیٹر ستارہ ایاز

اسلام آباد۔ 21دسمبر (اے پی پی) سینیٹ نا پینل آف پریذائیڈنگ آفیسر آتا باسک سینیٹر ستارہ ایاز پارینے کہ ہراباسک آک وقفہ سوج آتے کن سوج آتے جمع کرفرہ و تینٹ ایوان اٹی ساڑی مفسہ ، اوفتا ضمنی سوج ہم مننگ کپک ، دامعاملہ غا ہاؤس بزنس ایڈوائزری کمیٹی نا بروک آ دیوان اٹی سجفنگک۔ جمعہ نادے ایوان بالا نا دیوان اٹی وقفہ سوج آتے ٹی سینیٹر اعظم سواتی پارے کہ باسک آک سوج آتے توجمع کرفرہ ہرادے اوفتا سوج آتا ورندی ءِ بروئی ءِ او ساڑی مفسہ و داسوب آن اوفتا سوج آتیا ضمنی سوج ہم مننگ کپک، داویل ءِ بایدے ایسر کروئی مرے و رولز اٹی بایدے ترمیم کروئی مرے تانکہ ضمنی سوج آتے تو ہلنگ تو مرے۔ ہراڑآ سینیٹر ستارہ ایاز پارے کہ ہاؤس بزنس ایڈوائزری کمیٹی نا بروک آ دیوان اٹی سجفنگک۔