اسلام آباد۔ 21 دسمبر (اے پی پی) بنجائی وزیر انسانی حق ڈاکٹر شیریں مزاری پارینے کہ ورناچین اٹی منشیات نا کاریم اٹ اتنگ ءِ توننگ کن ڈرگ ٹیسٹنگ ءِ المی گوندنگ کن کانودسازی اسے نا گرج ءِ، بنجائی دارالحکومت نا غٹ سرکاری آخا بیرہ ایلیٹ تعلیمی ادارہ غاتے ٹی طالب علم آک منشیات ءِ کاریم اٹ اتنگ ءُ۔ جمعہ نادے آ قومی اسمبلی ٹی وقفہ سوج آتے ٹی شازیہ مری نا سوج انا ورندی ٹی وزیر انسانی حق شیریں مزاری پارے کہ اسلام آباد نا اسکول آتے ٹی طالب علم آتا ڈرگ انا بابت سَفا کننگ خواوہ کہ دا حساب وکتاب سرکاری اسکول آتا اف بلکن اسلام آباد نا ایلیٹ اسکول آتا طالب علم آتا بابت رپورٹ جاری مسنے ہراڑے ایلیٹ اسکول نا 75درسد طالب علم ڈرگز ہلپسہ بلکن اوفتے ٹی 75 درسد ودکی مسنے۔ کابینہ ٹی ہم داویل آ شرہ کننگا۔ دابھاز بھلو ویل اسے۔ پرائیویٹ اسکول و یونیورسٹی تے ٹی ہم دابھاز بھلو معاملہ اس جوڑ مرسا کننگ ءِ۔ ڈرگ ٹیسٹنگ ءِ المی گوندنگ کن کانود اس جوڑ کروئی تمک۔ دابابت آن وزیرتعلیم تون گپ و تران کینہ۔
