اسلام آباد۔20دسمبر(اے پی پی) مزن وزیر عمران خان ءِ موسمیاتی مٹءُ بدلی ءِ ہاسیں صلہ کار ملک امین اسلم ءِ پریس کانفرنسءَ گوں تران کتگءُ گشتگ کہ مزن وزیر عمران خان ءِ وژن ءِ ردءَ پاکستان ءَ ماحولیات ءِ تحفظ ءُ موسمیاتی مٹءُ بدلی ءِ اثراں گرءُ دار کنگءِ کوشستاں وتی زمہ واریاں چہ گیش کار کتگ کہ اے گپ میاں اوستمانی تکءَ منگ بوتگ، میاں اوستمانی موسمیاتی کانفرنس (کوپ۔24) َٗ ٓنائب صدر گچین بوہگءَ ہوار پاکستانءَ سے دیوانانی سروکی کنگءَ ابید پنچ ہاسیں کمیٹی ءَ ہوار بوتگ کہ مزنیں سوبمندی اِت۔ آ پنچ شمبے ءِ روچءَ موسمیاتی مٹءُ بدلی ءِ وزارت ءَ یک پریس کانفرنسءَ گوں تران کنگءَ بوتگ۔ آئیءَ گشتگ کہ میاں اوستمانی موسمیاتی کانفرنس (کوپ۔24) ءَ پاکستان ءِ نمائندگی پہ مارا شرپ اِت۔ پاکستان ءِ میاں اوستمانی کانفرنس (کوپ) ءَ نائب صدر گچین بوہگ یک مزنیں سوبمندی اِت کہ پہ ایشیءَ سرجمیں راج مراد باتءِ حکدار ایں۔ امین اسلم ءَ گشتگ کہ دنیاءَ مے لیکہ من اِتگ ءُ پاکستانءَ را کوپءِ نائب صدر گچین کنگ اے گپءِ سبوت ایں ۔ ما کانفرنسءَ ہوار سائیڈ لائن دیوان ءُ درملکی رہنما آں گوں دونیمگی گندءُ ننداں ہم پاکستانءِ مقدمہ پیش کتگ ءُ موسمیاتی مٹءُ بدلی ءِ اثراں چہ پہ آماچ بوتگیں ملک آں جار جتگیں کلائمیٹ فنانسنگ ءَ را گیش سرکنگءِ سرءَ زور پِرداتگ۔
