اسلام آباد۔20دسمبر(اے پی پی ) بنجاہی وزیر چوہدری فواد حسینءَ گشتگ کہ اشتہارات ءِ 50درسد بقایاجات ءِ اداکنگءَ ابید ہم میڈیا ورکر کارءُ روزگاراں چہ در کنگ بوہگءَ اں، اے مارا منظورنہ ایں ، اے ہوالگءَ پریس انفارمیشن ڈیپارٹمنٹ ءُ سیکرٹریءَ گوں گپ ءُ تران کنی،روزگارءَ چہ درکتگیں مردمانی نامانی لڑمنءَ سرکنگ بہ بیت تنکہ من اے ہوالگءَ گامگیج چست بہ کنی۔ پنچ شمبے ءِ روچءَ مزن گسءِ بنجاہی گیٹءَ روزگارءَ چہ درکتگیں صحافی آنی زھرشانی مچی ءَ گوں گپءُ تران کنانءَ چوہدری فواد حسینءَ گشتگ کہ حکومت میڈیا ورکراں گوں ہم کوپگ اِنت۔ آئیءَ گشتگ کہ مزن وزیرءِ سکین ءِ پدءَ سرکاری اشتہارات ءِ بقایاجات ادا کنگ بوہگءَ ایں، اے ہوالگءَ 50درسد ادا کنگ بوتگ اَنت، ایجنسی مے گراک بنت ما آہانی وسیلگءَ زراں ادا کن اَنت۔ آئیءَ گشتگ کہ میڈیا ادارگانی نیمگءَ چہ کارءُ روزگاراں چہ درکتگیں مردمانی نامانی لڑ منءَ سر کنگ بہ بیت تنکہ من گامگیج چست بکن ایں۔
