راولپنڈی۔ 20 دسمبر (اے پی پی) سر ڈگاری اُرد ءِ سروک جنرل قمر جاوید باجوہ ءَ گوں جمہوریہ ترکی ءِ وزیر راجی دیمپانی جنرل (ر) ہولوسی اکار ءَ پنچ شمبے ءِ روچ ءَ ادا جنرل ھیڈ کوارٹر ءَ گند ءُُ نند کت۔ آئی ایس پی آر ءِ نیمگ ءَ جاڑی بوتگیں بیان ءِ رد ءَ گند ءُُ نند ءِ ساھت ءَ دوئیں ملک آنی نیام ءَ دیمپانی ءُُ سلامتی ءَ ھوار وت مہ وتی واھگی کار ءُُ دمگی سیکورٹی ءِ ھواریں جاور ھال آنی سرءَ ھیال ریچی کنگ بوت۔ شرپ مندیں مہمان آں ناشرکاری ءِ ھلاپ ءَ جنگ ءَ پاکستان ءِ کوشست ءُُ کربانی آناں ساڑات۔ ایشی ءَ چہ پیسر جی ایچ کیو ءَ سر بوھگ ءِ پد ءَ ترک وزیر ءَ یاتگیریں پُل آنی چادر پر دات۔ پاک اُرد ءِ ورنا آں شرپ مندیں ترک مہمان آناں گارڈ آف آنر پیش کت۔
