کوئٹہ۔ 20 دسمبر (اے پی پی) سیکرٹری بلوچستان بورڈ آف انٹرمیڈیٹ اینڈ سیکنڈری ایجوکیشن کوئٹہ شوکت سرپرہ پارینے کہ بورڈ انا کنڈآن کرکٹ ٹیم تا ٹرائلز 25 و 26دسمبر 2018 ء آ نواب محمد اکبر خان بگٹی کرکٹ گراؤنڈ کوئٹہ ٹی اڈ تننگک۔ داخیال آتا درشانی ءِ او ’’اے پی پی‘‘ تون ہیت وگپ کرسا کرے۔ اوپارے کہ بورڈ انا بیڈمنٹن ٹیم نا سلیکشن کن ٹرائلز تعمیر نو کالج کوئٹہ ٹی مورخہ 27 دسمبر 2018 آن 28 دسمبر 2018 ء آ اڈ ہلیک۔ ہڑتوم آ ٹیم تا ٹرائلز اٹی نہہ می ، دہ می ، یانزدہ می و دُوانزدہ می جماعت نا طالب علم آک شرکت کن اہل مریرہ۔ طالب علم آتے پارت کننگک کہ شرکت آن مست اِرا دانہ عکس مون نا جماعت نا ڈی ایم سی و ادارہ نا سروک آن باقاعدہ طالب علم مننگ نا سرٹیفکیٹ /تصدیق نامہ ضرور جمع کرفر۔
