اسلام آباد۔19دسمبر(اے پی پی) پاکستانءَ چینءِ سفیر یاؤجنگ ءَ گشتگ کہ چین سی پیک ءِ ضرورتاں پیلو کنگ ءَ پاکستانی ورناہ مزنیں انڈسٹری ءَ تربیت دنت، اے ہوالگءَ پہ ازمی تربیت ءَ اسلام آباد ءَ جدید سنٹر آف ایکسلینس جوڑ کنگ بیت، پاکستانءَ ہنر گیش کنگ چینی حکومت ءِ اولی دلگوشی ایں۔ آئیءَ اے گپ چارشمبے ءِ روچءَ مزن وزیر ہاسیں کمک کار محمد عثمان ڈار ءَ گوں گند ءُ نند ءَ گپءُ تران کنانءَ کتگ۔ گندءُ نندءَ پہ ورناہ آں دیمروئی ءِ موہ ودی کنگءِ سرءَ حیالءُ لیکہءِ درشانی کنگ بوتگ۔ چینی سفیر ءَ اے موہءَ پاکستان ءَ سماجی سیکٹر ءَ پہ دیمروئی کنگءَ پاکستانی نودربراں سکالرشپس ءُ بازیں پروگرام دیما آؤرتگ۔ عثمان ڈار ءَ سوشل سیکٹر ءِ دیمروئی ءِ گامگیج چست کنگءَ چینی سفیر ءِ شگرءُ منت گپتگ۔
