راولپنڈی۔19دسمبر(اے پی پی) بری فوج ءِ سروک جنرل قمر جاوید باجوہ ءَ گشتگ کہ اوگانستان ءَ امنءُ ایمنی جوڑ کنگءَ پاکستانءِ کرد باز ہاس ایں ، پاکستان خطہ ءَ امنءُ ایمنی ءُ محکمی جوڑکنگءَ کوشست کنگءَ ایں۔ آ چارشمبے ءِ روچءَ امریکہ ءِ ہاسیں نمائدگ زلمے خلیل زادءَ گوں گپءُ تران کنگءَ بوتگ۔ پاک فوج ءِ تعلقداری پڑ ( آئی ایس پی آر) ءِ ردءَ پاکستان ءِ ترءُ تابءَ اتکگیں امریکہ ءِ ہاسیں نمائدگ زلمے خلیل زادءَ آرمی چیف جنرل قمر جاوید باجوہ ءَ گوں گند ءُ نند کتگ کہ آہاں اوگان مفاہمتی عمل ءِ سرءَ حیالءُ لیکہ ءِ درشانی کتگ۔ آرمی چیف ءَ گوں گندءُ نندءَ امریکہ ءِ ہاسیں نمائدگ زلمے خلیل زاد ءَ اوگان امن ءُ ایمنی جوڑ کنگءَ پاکستانءِ کوشستاں ساڑاتگ۔
