اسلام آباد۔19دسمبر(اے پی پی) ڈاکٹر عارف علوی ءَ گشتگ کہ ملک ءَ ر ا سماجی ءُ اقتصادی دیمروئی ءِ نیمگءَ رہادگ کنگءُ اُلس ءِ زندمانءَ مٹ کنگءَ حکومت ءِ کوشتانی سرءَ سدکی ءِ درشانی کتگ ءُ ہاس ورناہ آنی سرءَ زور پِرداتگ کہ آ’’ نوکیں پاکستان‘‘ جوڑکنگءَ وتی کردءَ پیلو بہ کن اَنت، وانگءُ زانگ گیش کنگ چاگردءِ درائیں تبکانی زمہ واری ایں۔ آئی ءَ اے گپ چارشمبے ءِ روچءَ کیڈٹ کالج حسن ابدال ءَ ماتءُ پتانی سالانہ روچءِ درگتءَ مراگشءَ گوں کتگ۔ آئیءَ گشتگ کہ حکومت نوں ملک ءَ را سماجی ءُ اقتصادی دیمروئی ءِ نیمگءَ رہادگ کتگ۔ آئیءَ گشتگ کہ گوستءَ ملک جیڑہءُ جنجالانی آماچ بوتگ نوں مے دلگوشی پاکستان ءِ باندات ءَ را روژناہ کنگءُ دنیا ءِ دیما یک درورے جوڑ بوہگ ایگ اِنت۔ آئیءَ گشتگ کہ راجءَ را انوگیں حکومتءَ گوں بازیں اُمیتے است اِیں کہ نوکیں پاکستان جوڑ کنگءَ کوشست کنگءَ اِنت۔
