اسلام آباد۔ 19دسمبر(اے پی پی ) حالءُ احیوال کاریءُ شنگکاری ءِ بنجاہی وزیر چوہدری فواد حسین ءِ مزن گسءِ ڈنءَ حال درءَ گوں گپءُ تران کتگءُ گشتگ کہ پاکستان تحریک انصاف ءَ الیکشن کمیشنءَ آصف علی زرداری ءِ نابودی ءِ حلاپءَ ریفرنس جم کنگءِ فیصلہ کتگ، مالءُ مڑی چیر دیئگءِ سوبءَ آصف علی زرداری راجی اسمبلی ءِ باسک بوت نہ کناں ۔ لُٹءُ پُل ءِ جستءُ پُرس آزادی ءَ گوں بوہگءَ ایں، اپوزیشن وت مہ وتءَ ناتپاک اَں ، پی ٹی آئی ءَ 5سال خیبر پختونخوا ءَ لُٹءُ ور ہلاس کتگ، نواز شریفءِ ریفرنس گڑی بھرءَ سراَں، اُلسءَ را مزنیں وشیں حالے سربیت۔ اے حیالانی درشانی آئیءَ مزن گس ءِ ڈنءَ حال درءَ گوں گپءُ تران کنانءَ کتگ ۔ چوہدری فواد حسین ءَ گشتگ کہ پیپلز پارٹی ءِ شریداریں چیئرمین آصف علی زرداری ءِ امریکہ ءَ مالءُ ماڑی اَست کہ آئیءِ نمبر 1483 ایس کے او1099 اِنت۔ آئی ءَ وتی الیکشن کمیشن ءِ کاگداں اے ماڑی پدر نہ کتگ۔ آئین ءِ آرٹیکل 62 ءُ 63ءِ ردءَ آصف علی زرداری ءِ زمہ واری ایں کہ آوتی مالءُ ماڑیءَ الیکشن کمیشن ءِ کاگداں پدر بہ کنت۔ شہباز شریف، نواز شریف، سعد رفیقءُ آصف علی زرداری ءِ سرءَ آہانی حکومتانی وہدءَ مقدمہ بوتگ اَنت بلے جست ءُ پرسءُ کنگءَ مکن کنگ بوتگ۔ پاکستان تحریک انصاف ءِ حکومتءَ ادارگ آزات اَنت ءُ ا ے ہوالگءَ جستءُ پُرس بوہگءَ ایں۔
