اسلام آباد۔19دسمبر(اے پی پی) مزن وزیر عمران خانءَ اُلسءَ را انصاف پجارینگ ءَ را پی ٹی آئی حکومت ءِ منشور ءِ ہاسیں بھر لیک اِتگ ءُ کانودءِ بنجاہی وزیر ءَ را فیصل آباد ءَ مزن آمید گس بینچ جوڑ کنگءِ ہوالگءَ ججءُ ہمگرنچیں مردماں گوں شورءُ صلا کنگءِ پنتءُ شون کتگ۔ آئیءَ اے گپ فیصل آباد بار ءِ وکیل آنی ڈل ءَ گوں گپءُ تران کنانءَ کتگ کہ آہاں مزن وزیر کارگسءَ گند ءُ نند کتگ۔ گندءُ نندءَ کانودءِ وزیر ڈاکٹر محمد فروغ نسیم، راجی اسمبلی ءِ باسک راجہ ریاض احمد ، رضا نصراللہ گھمن، شیخ خرم شہزاد، نواب شیر وسیر، فیض اللہ کموکا، فرخ حبیب، اٹارنی جنرل انور منصور خان ہم ہوار بوتگ اَنت۔ ڈل ءَ مزن وزیر عمران خان ءَ ر ا فیصل آبادءَ مزن آمید گس بینچ جوڑ کنگءِ لوٹ پیش کتگءُ حال داتگ کہ فیصل آباد ءِ انوگیں آبادی دو کروڑاں چہ گیش ایں ۔ مزن وزیرءَ گپ ءُ تران کتگءُ ڈلءَ را گشتگ کہ اُلسءَ را آہانی دمگاں انصاف سرکنگ پی ٹی آئی حکومتءِ منشور ءِ ہاسیں بھر اِت۔ آئیءَ وکیل ڈلانی نیمگءَ چہ پیش کتگیں لوٹ ءِ ہوالگءَ کانودءِ وزیر ءَ را پنتءُ شون کتگ کہ بینچ جوڑ کنگءِ ہوالگءَ جج ءُ ہمگرنچیں مردماں گوں شورءُ تران بہ اِت تنکہ اے جیڑہ گیشءُ گیوار کنگ بہ بیت۔
