اسلام آباد۔ 19 دسمبر (اے پی پی)بُنجاھی وزیر منصوبگ بندی، دیمروئی کار ءُُ شماریات مخدوم خسرو بختیار ءَ گوشت کہ پاکستان ’’پن توان‘‘ ءُُ ٹرانسمیشن لائن منصوبگ آناں دیمروئی دیگ ءَ انت، داسو ءُُ مہمند ڈیم ءَ سرمایہ کاری ءِ موہ است اَنت، مالی ادارگ آنی مھکمیں معاشی دیمروئی ءِ منصوبگ آنی تہ ءَ سرمایہ کاری بکن اَنت، پاکستان ءَ کسانیں صنعت آنی دیمروئی ءِ واستہ کوشست کنگ ءَ آں۔ اے ھیالانی درشانی آنی ءَ بیجنگ ءَ ایشین انفراسٹرکچر انویسٹمنٹ بینک ءُُ چینی کمپنی آنی سروک آں گوں گند ءُُ نند ءِ ساھت ءَ کت۔ بُنجاھی وزیر ءَ اے آئی آئی بی ءُُ چینی کمپنی آناں پاکستان ءِ گوما دراج بُریں پارٹنر شپ ءِ کنگ ءِ دعوت دات۔ بُنجاھی وزیر ءَ گوشت کہ اے آئی آئی بیی معاشی رنگ ءَ سیت مندیں انفرانسٹرکچر ٹرانزٹ ءُُ شہری دیمروئی ءِ منصوبگ ءَ سرمایہ کاری بکنت۔ پاکستان چین سی پیک ءِ توامیں منصوبگ آناں سرجم کنگ ءُُ آیوکیں باندات ءِ گامگیج آنی سر ءَ تپاک کتگ۔ آئیءَ گوشت کہ آیوکیں وھد ءَ چاگردی ءُُ معاشی کشت ءُُ کشاری ءُُ صنعتی دیمروئی ءِ سر ءَ دلگوشی دیگ بیت۔ چینی کمپنی پاکستان ءَ ٹوھیں کساس ءِ سرمایہ کاری کنت۔ چینی کمپنی آنی واستہ پاکستان ءِ صنعتی، چاگردی ءُُ معاشی، کشت ءُُ کشاری ءُُ ٹرانسپورٹ، انفرانسٹراکچر شوبگ آنی تہ ءَ سرمایہ کاری ءِ دراج بُریں موہ است اِنت۔ مخدوم خسروبختیارر ءَ گوشت کہ جے سی سی ءِ موہ ءَ صنعتی کمک ءِ بابت ءَ جوانیں دیمروئی گام لگّگی انت۔ بنجاھی وزیر ءَ گوشت کہ پاکستان ءُُ چین پشت کپتگیں دمگ آنی دیمروئی ءِ سر ءَ تپاک کتگ۔ اے دمگ آنی تہ ءَ وانگ ءُُ زانگ ، جان سلامتی، ھیل کاری ءِ منصوبگ بندات کنگ بنت۔
