اسلام آباد۔ 19 دسمبر (اے پی پی) وزارت ڈٹ بندی شونداری و اصلاحات نا پارلیمانی سیکرٹری کنول شوذب پارینے کہ ساڑی حکومت سول رجسٹریشن اینڈ وائٹلسٹیٹیسکس (سی آر وی ایس) نا گچینی کن قومی کہول انا حکومت عملی نا فریم ورک اس جوڑ کننگ اٹ اختہ ءِ ہرانا کمک اٹ پائیدار شونداری نا ہدف آتا پوروی ٹی کمک رسینگک۔ ملک اٹی پیرامیڈک اسٹاف نا بھاز قلت ءِ ، ننے پسماندہ علاقہ غاتے ٹی نرس آتا تربیت کن ہر ضلع ، ہر شار اٹی ٹریننگ کالج جوڑ کننگ نا گرج ءِ ۔ داخیال آتا درشانی ءِ او وزارت ڈٹ بندی ٹی ورلڈ ہیلتھ آرگنائزیشن نا دے ٹکی بحیرہ روم نا ریجنل ڈائریکٹر ڈاکٹر احمد سلیم سیف المنداہری تون اوڑدہی ٹی کرے۔ اوڑدہی ٹی پاکستان اٹی جان جوڑی نا نظام ، چناتے ٹی رکھی ٹیکہ غاتا کمک اٹ ناجوڑی تیان بچفنگ، پائیدار شونداری نا ہدف و سول رجسٹریشن اینڈ وائیٹل سٹیٹیسکس تون اوار چندی سرحال آتیا گپ و تران کننگا۔
