اسلام آباد۔ 19 دسمبر (اے پی پی) بُنجاھی وزیر وانگ ءُُ زانگ ءُُ کزبی کار ءُُ ھیل کاری شفقت محمو د ءَ گوشت کہ وانگ ھما کشک اِنت کہ مارا دیمروئی ءِ سیم سر آں سر کنت، ورنا آناں انفوٹیک ءِ نوکیں زانشت آنی بابت ءَ سرپد کنگ بیت، وازرت ءِ وانگ ءُُ زانگ انفوٹیک ءِ شوبگ ءِ نیمگ ءَ ھاسیں دلگوشی دیگ ءَ اِنت۔ آ چار شمبے ءِ روچ ءَ کامسیٹس ءِ چیر دستی ءَ 16شانزدھمی انٹل کانفرنس ءَ گوں گشتانک دیگ ءَ اتت۔ مراگش ءَ گوں گشتانک دیان ءَ آئی ءَ جوانیں پوزیشن گروکیں نودربر آناں داد ءُُ مبارکی دات۔ آئی ءَ گوشت کہ وانگ ھما شوبگ اِنت کہ مارا دیمروئی ءِ کشک ءَ رھادگ کنت۔ آئی ءَ گوشت کہ انفارمیشن ٹیکنالوجی ءَ ورنا آنی دلگوشی ءَ گندگ آں گڈا منا سک باز وشی رسیت، ورنا راج ءِ برورد اَنت۔ آئی ءَ گوشت کہ ھما ملک آں آئی ٹی ءِ شوبگ ءَ ھاسیں دلگوشی داتگ آواں ترندی ءَ دیمروئی کتگ، پاکستان ءَ ھم ما انفارمیشن ٹیکنالوجی ءَ را دیمروئی بدات اِنت گڈا اِدا ھم زرّ ءُُ کلدار آنی امبار مُچ بوتگ اَت۔ آئی ءَ گوشت کہ ورنا آناں انفوٹیک ءِ نوکیں زانشت ءَ گوں پجاروکی کنائینگ بوھگ ءَ انت۔ آئیءَ گوشت کہ مئے کرا ورنا آنی یک ٹوھیں کساس ءِ است۔ آئی ءَ گوشت کہ اپسوز ایش گپ ایگ اِنت کہ گوست ءَ اے نیمگ ءَ اِچ دلگوشی نہ دیگ بوتگ۔ آئیءَ گوشت کہ مئے رھشون زانتکار اَنت بلئے دُگنیا ءِ گوما دیم پہ دیمی ءَ دیمروئی کنگ ءِ ھاترا نوکیں لوٹ آنی رد ءَ وتی رھشون آناں نوکیں لوٹ آنی رد ءَ ھمگامگ کنگی اَنت۔ بُنجاھی وزیر ءَ گوشت کہ پشت کپتگیں دمگ آنی نودربر آنی واستہ ھم دیمروئی ءِ کشک پچ کنگ لوٹ ایت، وزارت ءِ وانگ ءُُ زانگ انفوٹیک ءِ شوبگ ءَ ھاسیں دلگوشی دیگ ءَ انت، زوت اے رد ءَ جوانیں آسر دیم ءَ کئیت۔
