اسلام آباد۔18دسمبر(اے پی پی) ملکءِ صدر ڈاکٹر عارف علویءَ گشتگ کہ جموں کشمیر برصغیرءِ بھرءُ بانگءِ ناسرجمیں ایجنڈا اِت۔ پاکستان مقبوضہ کشمیر ءِ جائز جدوجہد ءَ وتی اخلاقی ، سفارتی ءُ سیاسی ہمراہ داری ءَ کنت۔ آئیءَ اے گپ آزاد کشمیر ءِ پیسرگیں مزن وزیر بیریسٹر سلطان محمود ءَ گوں گپءُ تران کنانءَ کتگ کہ آہا ں سے شمبے ءِ روچءَ گندءُ نندکتگ۔ صدرءَ بھارتی سکیورٹی فورس آنی دستاں بے گناہ کشمیری آنی حلاپءَ جاری زُلمءُ ناحکی ءِ سرءَ تکانسریءِ درشانی کتگءُ میاں اوستمانی براتیءِ سرءَ زور پِرداتگ کہ اقوام متحدہ سلامتی کونسل ءِ ہمگرنچیں تپاک نامہ ءُ کشمیری اُلس ءِ واہگانی ردءَ کشمیرءِ گیشءُ گیواری ءُ انسانی حکانی حلاپ ورزی ءَ را دارگءَ وتی کردءَ پیلو بہ کنت۔ صدرءَ بھارتی زُلمءُ ناحکی ءِ ناترسی ءَ گوں دیمپانی کنگءِ کشمیری اُلس ءِ جزمءَ را ساڑاتگ۔ آئیءَ گشتگ کہ پاکستان وتی ہمسائگ ملک اَں ہوار سرجمیں ملک اَں گوں دوستی ءِ وائشت مند اِنت۔ آئیءَ گشتگ کہ پاکستان گپءُ تران ءَ چہ جیڑہ آنی گیشءُ گیواریءَ لوٹ ایت۔
